I hob nia gwusst, wos i moi werden wü, genau aus dem Grund hob i mi dazua entschlossen an a Höhere Lehranstalt für Wirtschaftliche Berufe zum gei. Matura kau jo nia schodn. 5 Joah Schul, do hob i jo eeeewig Zeit zum iwalegen wos i werden wü. Tjo, muaz schnö is des goungan mit de 5 Joah und dann bin i hergstoundn mit Maturazeignis, Kouch und Serviceprüfung und hon genau gwisst: Do föht owa gewaltig wos!
Trotz sou fü Wissen woa do irgendwia a große Leere in mia. I hob dann augfoungen gounz fü Bewerbungen zan schreiben fias Büro, des wird scha net sou schlecht sei. UND! es hot jo a ghoaßn mit Matura kriagst sofort a Orwatsstö. Dem woa leider net so, es hot oa Obsoge noch da ondern fia mi gebm. Vielleicht liegts an mein 4er im Maturazeignis? I hob mi sou schlecht gfühlt und hob wiakli glabt Noten san ois im Leben. Mehr oder weniger gezwungenermaßen hob i mi dann entschlossen in Papa in unserm Familien Malermeister Betrieb zan höfm.
„Da Papa hot imma fa mia gheat: „I moch sicha net die Matura zan Forbkiwl zahn“. Und dann bin i dogstoundn, mitn Molagwound und an Forbkiwl in da Hound.“
Do woa auf amoi des Gfüh…. Koa Leere mehr, a muaze Freid und a Leidenschoft fia wos. Houndwerk, des is deis wos i lernen wü! Des is deis wos ma an Hoit gibt im Lebm. Die Lehre hob i glei drauf nochgmocht (i hob in die 3. Klass, also letzten Jahrgang eisteign deafm) wal ma die Matura augrechnet gwoatn is. Scha aloa fia des hot sie die Matura bezoit gmocht. Durch die Berufschul in Graz bin i dann za die Wettbewerbe kemman und hob mi fam Lehrlingsvergleichswettbewerb, zan Landesbewerb, Bundesbewerb, Staatsmeisterschaft bis zur Europameisterschaft in Göteborg aufigmoin.
I hob eigentli wiakli durch Zufoll des gfunden wou a Feuer in mir brennt. Noch da Euro is erscht recht rundgoungan. Moastapriafung, Meisterin des Jahres, offizielle Botschafterin der EuroSkills Graz 2020, Brüssel Parlament, nebenbei Selbstständigkeit als Vortragende, Fernsehn, Interwievs, Shootings, Vorträge fia Lehrlinge, Wirtschaft und Schüler. Es scheinste is fia mi das i wos zruckgeben kau. Meine Erfohrungen mit die jungen Leit zum teilen und des weida zan gebm wos mia domois sou gföht hot. Nämli das in wirkli jedem (!!!!) a Talent schlummert, des wos woat entdeckt zan werdn und das Noutn net ois san im Lebm.
Lisa Janisch auf Facebook
